কবিতাঃ ইৰানীয়ান চলচ্চিত্ৰ পৰিচালক আব্বাছ কিয়াৰ'স্তামিৰ কেইটিমান নিৰ্বাচিত কবিতা



ইৰানীয়ান চলচ্চিত্ৰ পৰিচালক আব্বাছ কিয়াৰ'স্তামিৰ কেইটিমান নিৰ্বাচিত কবিতা:

অনুবাদ ঃ ইন্দ্ৰনীল গায়ন

abbas kiarostami




( )

শাৰী শাৰীকৈ ৰঙাবোৰ বৰফত জিলিকি আছে
হয়তো এয়া এক দুৰ্ঘটনাৰ খেল আছিল
ভৰি দুখন আগলৈ চুচৰি গৈ আছে


()

বতাহজাকে কঢ়িয়াই আনিছে
চেৰীফুল ফুলাৰ কথা
আকাশখন এতিয়া কলা চানেকীয়া


()
মোৰ শুকান ওঁঠত
কিছু মদিৰাৰ টোপাল
গোটেই নিশাটো
আজি আমি উজাগৰে কটাম


()

জোনটো নামি আহিছে
ক্ৰমশঃ
তললৈ
তৰাবোৰো অদৃশ্য হৈছে
হয়তো ৰাতিপুৱাবৰ সময় হৈছে


()

যেতিয়া  বতাহজাক গাঢ় হয়
গোটেই আকাশতে বিয়পি পৰে
বনৰীয়া ফুলৰ সুগন্ধি


()
জাৰৰ নিশাটোত
কঁপি কঁপি
চৰাই খেদিবলৈ
ৰৈ থকা মানুহজন


()

ৰাতি
সাগৰ
শীত



()

যেতিয়া মই ফুলৰ কথা ভাবো
তেতিয়াই খুব জোৰেৰে
এজাক শীতল বতাহ বলে
মই বহাৰ পৰা উঠো
আৰু খিৰিকীখন জপাই দিওঁ



()

ফাগুন অহাৰ লগে লগেই
মোৰ কোঠাটো
সৰাপাতেৰে ভৰি পৰে



(১০)

ফাগুনৰ দুটা সৰাপাত
হেঙাৰত ওলোমাই থোৱা
চোলাৰ জেপত লুকাই আছে




(১১)

মই মোৰ নিসংগ সময়খিনি
তোমাৰ সৈতে ভগাই লওঁ
এইমাত্ৰ মই এক্সপ্ৰেছ মেইলৰ জৰিয়তে
 এখন দুখভৰা চিঠি পাইছো


 (১২)

মই গ্ৰীষ্মৰ প্ৰথমজাক বতাহৰ সৈতে
তোমাৰ ওচৰলৈ আহিছো
আৰু তুমি মোক কৈছা হেমন্তৰ শেষ সন্ধ্যাটোৰ কথা



(১৩)

মই হেৰাইছো
মই কিবা এটা বিচাৰি আছো
মই হেৰোৱা মইটোক বিচাৰি পাইছো


(১৪)

এজন মাৰাথান দৌৰবিদে
দৌৰি আহি শেষত পালেহি
তেওঁ এতিয়া পিছলৈ ঘূৰি চাইছে


(১৫)

এটা জোনবিহীন ৰাতি
আকাশখনে কান্দিছে


(১৬)

ভগা আইনাত
গোটেই আকাশখন উবুৰি খাই পৰিছে


(১৭)

এজন অচিনাকি মানুহে
আন এজন অচিনাকি মানুহক বাট দেখুৱাইছে


(১৮)

সৌৱা বেলিৰ ঘৰ
এতিয়া ঘড়ীত ৫ বাজি ১৫ মিনিট ৩০ ছেকেণ্ড


(১৯)

নাবিক নোহোৱা এখন জাহাজ
বতাহ নথকা এখন সাগৰ
জোন নথকা এখন আকাশ


(২০)

চৰাইৰ চকুত
দক্ষিণ
ত বেলি ডুব যায়
আৰু
পূৱ
ত বেলি উদয় হয়


(২১)

এটি অকলশৰীয়া  পাহাৰৰ শিলত
লিখা আছিল: আল্লাহ আকবৰ


(২২)

মই দুঃখিত মোৰ বাবে
মই দুঃখিত তেওঁৰ বাবে

আৰু ইয়াৰ কাৰণ মই একোৱে নাজানো ৷৷


কবি পৰিচিতিঃ  চলচ্চিত্ৰ নিৰ্মাতা, পৰিচালক, চিত্ৰনাট্যকাৰ, কবি, আলোকচিত্ৰশিল্পী আব্বাছ কিয়াৰস্তামি (১৯৪০-২০১৬) ৰ জন্ম হৈছিল ইৰানত৷ বিশ্বৰ চলচ্চিত্ৰ ক্ষেত্ৰখনৰ আটাইতকৈ প্ৰতিভাশালী চিত্ৰনিৰ্মাতাসকলৰ  মাজত তেওঁ আছিল অন্যতম৷ তেওঁ জীৱনকালত  পূৰ্ণ দৈৰ্ঘ্যৰ চিনেমা, চুটি ছবি আৰু তথ্য চিত্ৰ নিৰ্মাণ কৰিছিল৷ বিশেষভাৱে তেওঁৰ  পূৰ্ণ দৈৰ্ঘ্যৰ চিনেমা দ্য টেষ্ট অৱ চেৰি” “ দ্য উইণ্ড উইল ক্যাৰি আস “ “ ক্লজ আপ্” “অলিভ ট্ৰীহোৱেৰিছ দ্য ফ্ৰেণ্ডছ হোআছিল সমাদৃত আৰু প্ৰশংসনীয়৷ তেওঁৰ চুটি ছবি' কেন আই “ “ দ্য এক্সপেৰিয়েনছআৰুদ্য ট্ৰেভালাৰ আছিল অন্যতম৷ কান চলচ্চিত্ৰ মহোৎসৱত তেওঁৰ “  দ্য টেষ্ট অৱ চেৰিচলচ্চিত্ৰখনে আন্তৰ্জাতিক চলচ্চিত্ৰ মহোৎসৱৰ সৰ্বোচ্চ পুৰস্কাৰ লাভ কৰাৰ উপৰিও বিভিন্ন আন্তৰ্জাতিক চলচ্চিত্ৰ মহোৎসৱত বিচাৰকৰ বহু শ্ৰেষ্ঠ বঁটাও লাভ কৰিছিল৷  তেওঁৰ চিনেমাত আমি বিশেষভাৱে শিশু চৰিত্ৰৰ প্ৰাধান্যস্থিৰ চিত্ৰৰ লগত চৰিত্ৰৰ কথোপকথন ৰীতি, চিনেমাটগ্ৰাফীআৰু ইৰানী কবিতাৰ প্ৰভাৱ  স্পষ্টকৈ দেখিবলৈ পাওঁ৷  আচলতে তেওঁৰ চিনেমাবোৰ আছিল একোটা কবিতাৰ দৰেই৷ আজৰি সময়ত তেওঁ প্ৰায়ে জাপানী হাইকু যেন লগা চুটি  কবিতা লিখিছিল৷ সেয়েহে এবাৰ সাক্ষাৎকাৰত তেওঁ কবিতা সন্দৰ্ভত এইদৰে মন্তব্য আগবঢ়াইছিল “  জীৱনটো ছাঁ আৰু পোহৰৰ খেলা আৰু এই ছাঁ আৰু পোহৰৰ মাজৰ আন্ধাৰখিনিত কবিতা সদায় জীয়াই থাকিব আৰু এই কবিতাবোৰ আপোনালোকৰ বাবে  তেওঁৰ “The wolf laying in the wait “ নামৰ এখন নিৰ্বাচিত কাব্য সংকলন প্ৰকাশ পাইছিল৷





Post a Comment

0 Comments