কবিতাঃ প্ৰেম

প্ৰেম

মূল : মিৰ'শ্লেভ হোলাব

ইংৰাজী অনুবাদ : আয়ান মিলনাৰ, জৰ্জ ডাইনাৰ

অসমীয়া অনুবাদ : অৰূপ কুমাৰ দাস

অসংখ্য চিগাৰেটৰ টুকুৰা ৷

ইখন বেৰৰ পৰা সিখন বেৰলৈ

বহু যোজনৰ বাট ৷

বৰফৰ দৰে নিৰুদ্বেগ

মৃ্ত্যু আৰু অৰ্ধ চেতনা ৷

চোতালৰ পাতি হাঁহৰ পদচিহ্ন যেন

পুৰণি অলেখ শব্দ ৷

নিলিখা অসংখ্য কিতাপ ৷

নসজা অসংখ্য চিতা ৷

যাতনা ৷

ধূলিময়তা ৷

পৃথিৱীৰ প্ৰাৰম্ভৰ দৰেই

বেদনাবহ ৷

মোক বিশ্বাস কৰা

এই সমস্তবোৰেই

সাংঘাতিক সুন্দৰ ৷

কবি পৰিচিতি :  চেক প্ৰজাতন্ত্ৰৰ এজন গুৰুত্বপূৰ্ণ কবি মিৰ'শ্লেভ হোলাব ৷ তেওঁ এজন চিকিৎসা বিজ্ঞানী আছিল ৷ চিকিৎসা বিজ্ঞানৰ বিভিন্ন বিষয়, ৰূপক,প্ৰতীক পৰীক্ষা মূলকভাৱে ব্যৱহাৰ কৰাটোৱে তেওঁৰ কবিতাসমূহক এক অন্য মাত্ৰা প্ৰদান কৰিছিল ৷ কবিতাৰ উপৰি বিজ্ঞান বিষয়ক বিভিন্ন প্ৰবন্ধৰ বাবেও তেওঁ বিখ্যাত ৷ ১৩ চেপ্তেম্বৰ ১৯২৩ চনত জন্মলাভ কৰা এই গৰাকী প্ৰসিদ্ধ কবি-বিজ্ঞানীৰ  ১৪ জুলাই ১৯৯৮ চনত দেহাৱসান ঘটে ৷ 

বিজ্ঞাপনঃ বিখ্যাত উপন্যাস দ্য এলকেমিষ্ট কিনিব খোজে নেকি? ক্লিক কৰকঃ