কবিতাঃ সকলোবোৰ আমাৰ নাইবা কাৰোৱেই নহয় / বাৰ্টল্ট ব্ৰেখট্

সকলোবোৰ আমাৰ নাইবা কাৰোৱেই নহয়
মূল: ALL OF US OR NONE
(From Svenborger Gedichte)
কবি: বাৰ্টল্ট ব্ৰেখট্
অনুবাদ: কিশোৰ দাস


দাসসকলেই সেইসকল লোক যিয়ে তোমাক মুক্ত কৰিব

যিসকলে পৰি আছে গভীৰ অন্ধকূপত

সহযোদ্ধা, সেইসকলে কেৱল দেখা পাব তোমাক

তেওঁলোকেহে কেৱল শুনিবলৈ পাব তোমাৰ কান্দোন

সহযোদ্ধা, কেৱল দাসসকলেহে মুক্ত কৰিব তোমাক

সকলোবোৰ নাইবা একোৱেই নহয়

সকলোবোৰ আমাৰ নাইবা কাৰোৱেই নহয়

অকলেই কোনেও তেওঁৰ শ্ৰেষ্ঠ হ'ব নোৱাৰে

বন্দুক লোৱা নাইবা হাতকেৰেয়া পিন্ধা

সকলোবোৰ নাইবা একোৱেই নহয়

সকলোবোৰ আমাৰ নাইবা কাৰোৱেই নহয়

ভোকাতুৰজনেই হ'লা তুমি, খুৱাব কোনে তোমাক?

যদি পোৱা এটুকুৰা ৰুটি, কেইটুকুৰা কৰিবা তুমি?

আমাৰ ওচৰলৈ আহা, আমিও আতুৰ ভোকত

আমাৰ ওচৰলৈ আহা আৰু আমাক পথ দেখুৱাবলৈ কোৱা

কেৱল ভোকাতুৰেহে খুৱাব পাৰিব তোমাক

সকলোবোৰ নাইবা একোৱেই নহয়

সকলোবোৰ আমাৰ নাইবা কাৰোৱেই নহয়

অকলেই কোনেও নোৱাৰে শ্ৰেষ্ঠ হ'বলৈ

বন্দুক লোৱা নাইবা হাতকেৰেয়া পিন্ধা

সকলোবোৰ নাইবা একোৱেই নহয়

সকলোবোৰ আমাৰ নাইবা কাৰোৱেই নহয়

কোব খোৱা মানুহ, কোনে তোমাৰ হৈ প্ৰতিশোধ ল'

তোমাৰ ওপৰতেই প্ৰয়োগ কৰা হৈছিল প্ৰতিৰোধী বায়ু প্ৰবাহ

জখমী ভাতৃসকলৰ মাত শুনা

দূৰ্বলতাই আমাক শক্তি দিছে

সহযোদ্ধা, আহা, আমিয়েই তোমাৰ হকে প্ৰতিশোধ ল'

সকলোবোৰ নাইবা একোৱেই নহয়

সকলোবোৰ আমাৰ নাইবা কাৰোৱেই নহয়

অকলেই কোনেও নোৱাৰে শ্ৰেষ্ঠ হ'বলৈ

বন্দুক লোৱা নাইবা হাতকেৰেয়া পিন্ধা

সকলোবোৰ নাইবা একোৱেই নহয়

সকলোবোৰ আমাৰ নাইবা কাৰোৱেই নহয়

হেৰা ধ্বংস হোৱা মানুহ, সাহস কৰিব কোনে?

সেইজনেই, যিয়ে আৰু নোৱাৰে সহিব

হিচাব কৰি যোৱা প্ৰতিটো প্ৰহসন

প্ৰয়োজন আৰু দুখেৰে সময়খিনি বুজি লোৱা

আৰু কালিলৈ নেপেলাই আজিয়েই প্ৰতিঘাত কৰা

সকলোবোৰ নাইবা একোৱেই নহয়

সকলোবোৰ আমাৰ নাইবা কাৰোৱেই নহয়

অকলেই কোনেও নোৱাৰে শ্ৰেষ্ঠ হ'বলৈ

বন্দুক লোৱা নাইবা হাতকেৰেয়া পিন্ধা

সকলোবোৰ নাইবা একোৱেই নহয়

সকলোবোৰ আমাৰ নাইবা কাৰোৱেই নহয়।।

Post a Comment

0 Comments