কবিতাঃ Louise Gluck ৰ কবিতাৰ অসমীয়া ভাঙনি

Louise Gluck ৰ কবিতাৰ অসমীয়া ভাঙনি

অসমীয়া ভাঙনিঃ স্ৰোতস্বিনী তামুলী




 স্ন'ড্ৰপছ
মূল কবিতা: Snowdrops

 

জানেনে মই কেনে আছিলোঁ, কেনেকৈ জীয়াই আছিলোঁ? আপুনি জানে নৈৰাজ্যতা কি ; তেন্তে

শীতকালে আপোনাৰ বাবে অৰ্থ বহন কৰিব পাৰে।

 

মই জীয়াই থকাৰ আশা কৰা নাছিলোঁ,

কিন্তু পৃথিৱীখনে মোক আচৰিত কৰি তুলিলে।

মই আকৌ জাগি উঠাৰ আশা কৰা নাছিলোঁ,

পৃথিৱীৰ নমনীয়তাক শৰীৰত অনুভৱ কৰিবৰ বাবে

প্ৰতিক্ৰিয়া ব্যক্ত কৰিবলৈ পুনৰবাৰ সামৰ্থবান, মনত পেলাই আছোঁ

বহু সময়ৰ পিছত কেনেকৈ খোল খাব আকৌ

আগতীয়া বসন্তৰ শীতল পোহৰ......

 

সংশয়, হয় , আপুনি নিজৰ মাজতে আকৌ কান্দি আছে   আশংকা আনন্দ

 

নতুন পৃথিৱীৰ যন্ত্ৰণাদায়ক কেঁচা বতাহজাকৰ মাজত।

 

 -------------------------------------------------------


পহিলা স্মৃতি
(মূল কবিতা :
First Memory)


বহু বছৰৰ আগৰ কথা, মই আহত হৈছিলোঁ, মই জীয়াই ৰাখিছিলোঁ নিজক মোৰ পিতৃৰ ওপৰত প্ৰতিশোধৰ আকাংক্ষাৰে

মোৰ পিতৃৰ বিৰুদ্ধে, এই বাবে নহয়

তেওঁ কি আছিল......

এইবাবে যে মই কি আছিলোঁ : সময়ৰ আৰম্ভণিৰ পৰা

শৈশৱত মই ভাবি আছিলোঁ

যন্ত্ৰণা মানে

মোক ভাল নাপায়

অৰ্থাৎ

মই ভাল পাইছিলোঁ।

 

 

Post a Comment

0 Comments